business.org.ge პორტალი მეწარმეებისთვის
ეკონომიკური ზრდის წინასწარი შეფასებით, 2018 წლის იანვარში რეალური მთლიანი შიდა პროდუქტის ზრდა 4.4%- ზე დაფიქსირდა, თებერვალში – 5.5%, მარტში – 5.6%, ხოლო აპრილში ეკონომიკური აქტივობა 6.5%-ით გაიზარდა. შედეგად, პირველი 4 თვის საშუალო რეალურმა ზრდამ 5.5% შეადგინა.
2018 წლისთვის, აქციზის გადასახადის ეფექტის ამოწურვის შემდეგ ინფლაციის დონემ დასტაბილურება დაიწყო. იანვარში სამომხმარებლო ფასების ინდექსი 4.3 %-ით გაიზარდა, თებერვალში – 2.7 %-ით, მარტში – 2.8 %-ით, აპრილში – 2.5 %-ით და მაისშიც ასევე 2.5 პროცენტით. საბაზო ინფლაცია შესაბამის პერიოდში 1.8 პროცენტს შეადგენდა.
ბიზნეს სექტორის ბრუნვის მოცულობა 2018 წლის პირველ კვარტალში, გასული წლის შესაბამის პერიოდთან შედარებით, 18.6%-ით გაიზარდა. პროდუქციის გამოშვება 16.0%-ით, ხოლო დასაქმებულთა რაოდენობა 5.3%-ით გაიზარდა, რაც 32,063 ახალ სამუშაო ადგილს ნიშნავს. სულ დასაქმებულთა რაოდენობამ 637,047 ადამიანი შეადგინა.
***
სტატია შექმნილია საქართველოს ფინანსთა სამინისტროს მონაცემთა საფუძველზე.
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
