business.org.ge პორტალი მეწარმეებისთვის
Fraser Institute-ის ეკონომიკური თავისუფლების ინდექსი გვაჩვენებს, თუ რამდენად უწყობს ხელს ქვეყნის პოლიტიკა და ინსტიტუციები ქვეყნის ეკონომიკურ თავისუფლებას. ინდექსი იზომება შემდეგი კომპონენტების ანალიზის საფუძველზე:
- მთავრობის ზომა: მთავრობის დანახარჯები, გადასახადები და სახელმწიფო საწარმოები
- სამართლებრივი სტრუქტურა და ქონებრივი უფლებების დაცვა
- მყარი ვალუტა
- საერთაშორისო ვაჭრობის თავისუფლება
- საკრედიტო ბაზრის, შრომის ბაზრის და ბიზნესის რეგულირება
Fraser Institute-ის ეკონომიკური თავისუფლების ინდექსის 2016 წლის რეპორტი მოიცავს ქვეყნების შეფასებებს 2014 წლის მონაცემთა საფუძველზე. საქართველოს 159 ქვეყნიდან მე-5 ადგილი უკავია 7.98 ქულით (2013 წელს საქართველოს მე-11 ადგილი ეკავა, 2010-ში კი – 28-ე). საქართველომ ყველაზე მაღალი შეფასებები (10-10 ქულა) მიიღო კომპონენტებში ”საგადასახადო განაკვეთები” და ”შავ ბაზარზე გაცვლითი კურსები”, ყველაზე დაბალი (4.69 ქულა) – კომპონენტში ”მიუკერძოებელი სასამართლო”.
რეიტინგში პირველ ადგილზეა ჰონგ-კონგი (9.03 ქულა), ხოლო ბოლო – 159-ე ადგილზე ვენესუელა იმყოფება (3.29 ქულა).
ქართულ ენაზე რეიტინგის მიმოხილვა შეგიძლიათ იხილოთ ეკონომიკისა და მდგრადი განვითარების სამინისტრო მიერ მომზადებულ პრეზენტაციაში.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
