business.org.ge პორტალი მეწარმეებისთვის
ელევატორების რაოდენობები
2016 წელს საქართველოში 43 ელევატორი მუშაობდა, მათგან 88.4 % 3 რეგიონზე (ქვემო ქართლი, შიდა ქართლი, თბილისი) მოდიოდა.
| რეგიონი | რაოდენობა | % |
| ქვემო ქართლი | 25 | 58.1 |
| შიდა ქართლი | 7 | 16.3 |
| თბილისი | 6 | 14.0 |
| სამეგრელო-ზემო სვანეთი | 2 | 4.7 |
| იმერეთი | 1 | 2.3 |
| გურია | 1 | 2.3 |
| მცხეთა-მთიანეთი | 1 | 2.3 |
| სულ | 43 |
სერვისები და შესყიდვები
2016 წელს ელევატორებში მომსახურება გაეწია 133 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია – 88 ერთეული შეადგინა.
ტევადობა
2016 წელს ელევატორების საცავების ჯამური ტევადობა 246,566 კუბური მეტრი იყო, საშრობების კი – 7,090 კუბური მეტრი.
შენახული პროდუქცია
2016 წლის განმავლობაში ელევატორებში შენახული იყო 827.9 ათასი ტონა პროდუქცია, აქედან 88.0 % იყო ხორბალი, 4.8 % – სიმინდი, 2.5 % – სოიოს შროტი, 2.2 % ფქვილი, 1.5 % – ალაო, დანარჩენ პროდუქციაზე 1 % მოდიოდა.
| შენახული პროდუქცის ტიპი | მასა (ტონა) | % |
| საკუთარი წარმოების | 159,010 | 19.2 |
| შესყიდული შემდგომი გაყიდვისთვის | 396,069 | 47.8 |
| მომსახურებისთვის | 272,777 | 32.9 |
| სულ | 827,856 |
შემოსავლები და ხარჯები
2016 წელს 1 ტონა პროდუქტის შენახვის საშუალო დღიური ფასი 3 ლარი იყო. მომსახურების ჯამურმა საფასურმა 1.5 მლნ. ლარი შეადგინა, ხოლო გადამუშავებასა და შენახვაზე გაწეულმა დანახარჯებმა – 1.1 მლნ. ლარი.
დატვირთვა
ელევატორების საცავების საშუალო დღიური დატვირთვა თვეების მიხედვით 43.9 %-დან (დეკემბერი) 69.9 %-მდე (იანვარი) მერყეობდა.
ტექნიკური აღჭურვა
ელევატორების 25,6 % თანამედროვე ტექნოლოგიებით სრულად იყო აღჭურვილი, 27,9 % – ნაწილობრივ, ხოლო 46,5 % საერთოდ არ იყო აღჭურვილი თანამედროვე ტექნოლოგიებით.
სესხით სარგებლობა
სესხით სარგებლობდა ელევატორების 30.2 %. აქედან 23.1 %-ს სესხი აღებული ჰქონდა ძირითადი საშუალებებისთვის, 61,5 %-ს – საბრუნავი კაპიტალისათვის, ხოლო 15,4 %-ს – როგორც ძირითადი საშუალებებისთვის, ისე საბრუნავი კაპიტალისათვის.
კონკურენტუნარიიანობაზე მოქმედი ფაქტორები
ელევატორების 25.7 % თვლიდა, რომ ყველაზე მნიშვნელოვან გავლენას კონკურენტუნარიანობაზე შესაბამისი მოწყობილობის/ტექნოლოგიის უქონლობა ახდენს, 14,7 %-მა მნიშვნელოვან ფაქტორად ფინანსურ რესურსებზე დაბალი ხელმისაწვდომობა დაასახელა, 13,4 %-ის აზრით კონკურენტუნარიანობაზე ყველაზე მეტად გავლენას ახდენს თანამშრომელთა კვალიფიკაცია, 12,7 %-მა მთავარ მიზეზად კომუნალური გადასახადების სიდიდე, 12,1 %-მა – მწარმოებლებთან სუსტი კავშირი, 11,7 %-მა – სახელმწიფო გადასახადების სიდიდეს და 9,8 %-მა – მომსახურებაზე დაბალი მოთხოვნა დაასახელა.
***
სტატია შექმნილია სტატისტიკის ეროვნული სამსახურის მონაცემთა საფუძველზე.
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
