business.org.ge პორტალი მეწარმეებისთვის
აქ მოცემულია 2 ვებ-გვერდის მოკლე მიმოხილვა, რომლებზეც შეგიძლიათ იხილოთ სტატისტიკური და ექსპორტ-იმპორტის მონაცემები.
საქართველოს სტატისტიკის ეროვნული სამსახურის ვებ-გვერდი www.geostat.ge
სტატისტიკის მწარმოებელი და გამავრცელებელი დაწესებულების ვებ-გვერდზე შეგიძლიათ იხილოთ და ჩამოტვირთოთ ბიზნეს-სექტორის, სოფლის მეურნეობის, მრეწველობის, ტურიზმის, საგარეო ვაჭრობის, ქვეყნის ეკონომიკური მაჩვენებლების, დემოგრაფიის და სხვა სფეროების ოფიციალური სტატისტიკური მაჩვენებლები.
აქვე იხილავთ ბიზნეს-რეგიტრს, რომელშიც შეგიძლიათ მოძებნოთ საქართველოში რეგისტრირებული ეკონომიკური სუბიექტები სხვადასხვა პარამეტრის (საიდენტიფიკაციო ნომერი, დასახელება, რეგიონი, საქმიანობის სახე და სხვ.) მიხედვით.
ვებ-გვერდზე განთავსებულია სხვადასხვა კლასიფიკატორი: ეკონომიკური საქმიანობის სახეები (დაგჭირდებათ შემოსავლების სამსახურის ვებ-გვერდზე rs.ge რეგისტრირებისას და გადასახადების დეკლარირებისას), მსოფლიოს ქვეყნების და ტერიტორიების კლასიფიკატორი, ვალუტების კლასიფიკატორი, საგარეო ეკონომიკური საქმიანობის სასაქონლო ნომენკლატურა (სეს ესნ, დაგჭირდებათ თქვენი საწარმოს პროდუქციის კოდის გასარკვევად ექსპორტ-იმპორტის განხორციელებისას, გამოგადგებათ თქვენთვის დაინტერესო პროდუქტის ექსპორტ-იმპორტის ბაზრის შესწავლისას).
საქართველოს ფინანსთა სამინისტროს ვებ-გვერდი www.mof.ge
აქედან შეგიძლიათ გადმოწეროთ ექსპორტ-იმპორტის მონაცემები. ფაილები მოცემულია თვეების მიხედვით, თითოეულ ფაილში მოცემულია შემდეგი ინფორმაცია: საქონლის სეს ესნ კოდი, რეჟიმი (იმპორტი, ექსპორტი), პარტნიორი ქვეყანა, მასა, ღირებულება აშშ დოლარებში და რაოდენობის დამატებითი მაჩვენებელი.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
