business.org.ge პორტალი მეწარმეებისთვის
ღვინის ეროვნული სააგენტოს ინფორმაციით, 2018 წლის პირველი კვარტალში ქართული ღვინის ექსპორტი 24 %-ით გაიზარდა. 2018 წლის იანვარ-მარტში საქართველოდან მსოფლიოს 43 ქვეყანაში 17.7 მლნ. (0.75 ლტ. მოცულობის) ბოთლის ღვინის ექსპორტი განხორციელდა, რაც 24%-ით აღემატება 2017 წლის ამავე პერიოდის მაჩვენებელს. სულ ექსპორტირებულია $ 40.5 მლნ.-მდე ღირებულების ღვინო. თანხის მიხედვით ზრდამ გასული წლის ანალოგიურ მაჩვენებელთან შედარებით 26% შეადგინა.
ექსპორტმა მოიმატა როგორც ევროპის, ისე აშშ-ის, აზიისა და ტრადიციული ბაზრების მიმართულებით:
- ბელარუსი: მატება – 429 % (სულ ექსპორტირებულია 233,220 ბოთლი ღვინო)
- იაპონია – 230 % (53,160)
- დიდი ბრიტანეთი – 98 % (37,740)
- ყაზახეთი – 85 % (877,494)
- საფრანგეთი – 71 % (24,248)
- ჩეხეთი – 68 % (18,888)
- ლატვია – 61 % (412,626)
- ნიდერლანდები – 46 % (21,993)
- გერმანია – 38 % (136, 222)
- უკრაინა – 36 % (1,771,928)
- პოლონეთი – 32 % (740,922)
- ესტონეთი – 28 % (120,246)
- რუსეთი – 28 % (11,511,830)
- ისრაელი – 24 % (52,722)
- აშშ – 3 % (68, 620)…
ექსპორტის მიხედვით ქვეყნების პირველი ხუთეულია რუსეთი (ექსპორტირებულია 11,511,830 ბოთლი ღვინო), უკრაინა (1,771,928), ჩინეთი (1,117,138), ყაზახეთი (877,494) და პოლონეთი (740,922).
ღვინის ექსპორტი 134-მა კომპანიამ განახორციელა.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
