business.org.ge პორტალი მეწარმეებისთვის
რა არის კულტურა? კულტურა არის საზოგადოებაში დამკვიდრებული ნორმები, ღირებულებები და ტრადიციები, რომლებიც დროში ვითარდება. თითოეული ქვეყნის კულტურას საკუთარი მრწამსი, ურთიერთობის ფორმები და ქცევის სახეები აერთიანებს.
კულტურა ბიზნესის ერთ-ერთი მთავარი კომპონენტია და ის გავლენას ახდენს მის სტრატეგიულ მიმართულებებზე, მენეჯმენტზე, გადაწყვეტილების მიღების პროცესზე და ყველა ბიზნეს-ფუნქციაზე ბუღალტრული აღრიცხვიდან დაწყებული პროდუქციის წარმოებით დამთავრებული. კულტურაზე საუბრისას პირველ რიგში ეროვნულ კულტურაზე ვიწყებთ ფიქრს, თუმცა ბიზნეს-კულტურა არანაკლებ მნიშვნელოვან სფეროს წარმოადგენს. იგი აისახება ისეთ აქტივობებზე, როგორებიცაა შეხვედრები, მოლაპარაკებები, ფორმალობები, სოციალური მედიის გამოყენება, ოფისის ადგილმდებარეობის განსაზღვრა და ა.შ.
ბიზნეს-კულტურა დაკავშირებულია ქცევასთან, ეთიკასა და ეტიკეტთან. იგი წარმოაჩენს ორგანიზაციის ღირებულებებს, ხედვას, მუშაობის სტილს, რწმენასა და ჩვევებს.
ბიზნეს-ეტიკეტთან დაკავშირებული რჩევები
ბიზნეს-ეტიკეტი არ არის მხოლოდ ბიზნეს-სადილზე სასაუბრო თემების განსაზღვრა ან კოლეგებთან მიმართვის ფორმები. ის არის საკუთარი თავის წარმოჩენის გზა ისე, რომ სერიოზულად იყოთ აღქმული სხვა ადამიანების მიერ. იგი მოიცავს თვით-კონტროლს, ბიზნეს-სიტუაციების ცოდნას და უნარს, რომ თქვენ გვერდით მყოფ ადამიანებს თავი კარგად აგრძნობინოთ. ცუდმა ბიზნეს-ეტიკეტმა შეიძლება დაგაკარგვინოთ თანამშრომლები, მომხმარებლები და პერსპექტიული შესაძლებლობები.
მიუხედავად იმისა, რომ თითოეულ ქვეყანას მთელი რიგი ინდივიდუალური მახასიათებლები აქვს, ბიზნეს-ეტიკეტის შემდეგი ტრადიციები დაგეხმარებათ საერთაშორისო ბიზნესის განითარებაში:
- შეისწავლეთ თქვენს მასპინძელ ქვეყანასა და საკუთარ ქვეყანას შორის განსხვავებები და ეცადეთ მოერგოთ სხვა ბიზნეს-კულტურებს.
- არასოდეს დაგავიწყდეთ მადლობის თქმა, იქნებით გასაუბრებაზე თუ კლიენტთან შეხვედრაზე
- იყავით ზრდილობიანი და არ განიხილოთ შეხვედრიდან დარჩენილი შთაბეჭდილებები შეხვედრის ოთახიდან გამოსვლისთანავე
- არასოდეს დაგავიწყდეთ მობილურის გამორთვა ან ხმის ჩაწევა შეხვედრაზე
- თუ რამეს არ ეთანხმებით კრიტიკის ნაცვლად ეცადეთ გაიგოთ სხვა ადამიანის ხედვა და არასოდეს დაკარგოთ თვით-კონტროლი
- რასაც არ უნდა ამბობდეთ, ყოველთვის იყავით გულწრფელი
***
სტატიის წყაროა businessculture.org
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
