business.org.ge პორტალი მეწარმეებისთვის
აგროწარმოების ხელშეწყობის სახელმწიფო პროგრამის მიზანია სასოფლო-სამეურნეო პროდუქციის პირველადი წარმოების და გადამამუშავებელი/შემნახველი საწარმოების ხელშეწყობა თანადაფინანსების საშუალებით. გადამამუშავებელი და შემნახველი საწარმოებისთვის პროგრამის პირობები შემდეგია:
დაფინანსების მიზნობრიობა
გადამამუშავებელი და შემნახველი საწარმოების ნაწილში შეიძლება დაფინანსდეს:
- არსებული გადამამუშავებელი/შემნახველი საწარმოების მოდერნიზაცია
- მანქანა-დანადგარების შეძენა
- შემნახველი საწარმოებისთვის აუცილებელი ინფრასტრუქტურის მოწყობა
- საერთაშორისო სტანდარტების დანერგვა და სერტიფიცირება
კულტურები
გადამამუშავებელი და შემნახველი საწარმოების ხელშეწყობის პროგრამა ვრცელდება შემდეგ კულტურებზე:
- ხურმა
- ვაშლი
- ატამი
- ბოსტნეული
- დაფნა
- თაფლი
- კენკროვანი კულტურები
- თაფლოვანი კულტურები
- კაკალი
- ყვავილების კულტურები
თანადაფინანსების პირობები
თანადაფინანსების პირობები შემდეგია:
- პროგრამით გათვალისწინებული სახელმწიფო თანადაფინანსება შეადგენს წარმოდგენილი პროექტის ჯამური ღირებულების 40 %-ს, ხოლო ბენეფიციარის თანამონაწილეობა – 60 %-ს
- გადამამუშავებელი საწარმოების თანადაფინანსების მიზნობრიობით, პროგრამის ფარგლებში იურიდიული პირების (მათ შორის სასოფლო-სამეურნეო კოოპერატივების) თანადაფინანსება განისაზღვრება არაუმეტეს 100,000 აშშ დოლარის ექვივალენტით ეროვნულ ვალუტაში
მოთხოვნები ბენეფიციარისადმი
პოტენციური ბენეფიციარი უნდა აკმაყოფილებდეს შემდეგ კრიტერიუმებს:
- დარეგისტრირებული უნდა იყოს საქართველოში
- საკუთრებაში უნდა ჰქონდეს საკუთრებაში სსიპ “საჯარო რეესტრის ეროვნულ სააგენტოში” რეგისტრირებული მიწის ნაკვეთი
- არსებული საწარმოს გაფართოება/გადაიარაღების შემთხვევაში უნდა ჰქონდეს სასოფლო-სამეურნეო პროდუქციის გადამუშავების, შენახვის ან/და შეფუთვის არანაკლებ 2-წლიანი გამოცდილება
- პირველად სასოფლო-სამეურნეო წარმოებაში ჩართული პირების მიერ შემნახველი ინფრასტრუქტურის შექმნის შემთხვევაში, იურიდიულ პირს ან მის დამფუძნებლებს/მეპაიეებს უნდა გააჩნდეთ პირველადი სასოფლო-სამეურნეო წარმოების არანაკლებ 2-წლიანი გამოცდილება
პროექტის დეტალური პირობები, შეზღუდვები, ვალდებულებები, დოკუმენტაციის ჩამონათვალი და ნიმუშები, გასავლელი ეტაპები შეგიძლიათ იხილოთ სოფლის მეურნეობის პროექტების მართვის სააგენტოს ვებ-გვერდზე.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – “წყარო: business.org.ge”
