business.org.ge პორტალი მეწარმეებისთვის
4 ივნისს თბილისში, მთაწმინდის პარკში გაიმართა რძის პროდუქტების გამოფენა-გაყიდვა, სადაც წარმოდგენილი იყო ქართული საწარმოების პროდუქცია და შესაძლებელი იყო მათი დეგუსტაცია და შეძენა.
ღონისძიებაში მონაწილეობას იღებდა ”ქართული რძის ნიშნის” მფლობელი 8 საწარმო, რომლებიც ვიზიტორებს სთავაზობდნენ ყველს, კარაქს, ერბოს, ნადუღსა და სხვა პროდუქტებს. “ქართული რძის ნიშანი” მიეთითება იმ პროდუქტზე, რომელიც მზადდება მხოლოდ საქართველოში მიღებული ნედლი რძით და არ შეიცავს რძის ფხვნილს და/ან ნებისმიერ მცენარეულ ცხიმს. ნიშნის მიზანია ქართული რძით პროდუქტების პოპულარიზაცია, რაც ხელს შეუწყობს მომხმარებელს გააკეთოს ინფორმირებული არჩევანი რძისა და რძის პროდუქტების შეძენისას.
